諸葛6磅囝囝搶閘　生「冰岐麟」亂陣腳

諸葛紫岐（Marie）和Neway太子爺薛嘉麟的愛情結晶品「岐麟B」，原定預產期在聖誕節，怎料這份特別的聖誕禮物卻提早降臨。日前Marie突然肚痛不適，由老公陪同趕到醫院看急症，醫生對他們說：「BB早到啦！」隨即安排Marie入產房待產，薛嘉麟全程陪伴在側，當囝囝出世時更親自剪臍帶，岐麟B出世時約6磅重，十分健康，Marie及薛嘉麟都覺得囝囝面形似媽媽，高鼻和嘴亦似Marie，眼睛及眉毛則似爹哋。
B仔暱稱叫冰岐麟，Marie解釋因囝囝在冬天出生，故以「冰」字開頭，「冰岐麟」英文為「Little Ice Cream」，Marie笑稱：「除咗因為我哋兩公婆都鍾意食雪糕外，『冰淇淋』嘅國語發音同『冰岐麟』好相近，所以英文乳名叫little ice cream。」

[img]http://static.apple.nextmedia.com/images/apple-photos/apple/20131205/large/05ec2p2r.jpg[/img]
■諸葛紫岐和薛嘉麟跟初生囝囝，一家三口樂融融。

[img]http://static.apple.nextmedia.com/images/apple-photos/apple/20131205/large/05ec2p1r.jpg[/img]
■諸葛紫岐擁着囝囝熟睡，兩母子甜睡樣很相似。

[b]「肚痛以為食錯嘢」[/b]
Marie和薛嘉麟坦言第一眼見到囝囝時都感動落淚，憶述生BB過程，Marie笑稱：「十足打仗咁，肚痛時以為自己食錯嘢，點知醫生竟然係話要即刻生，打亂陣腳，雖然我都一早決定剖腹，但我哋冇擇定時辰，真係由囝囝自己決定乜嘢時間嚟到呢個世界。」Marie表示見到囝囝出世一刻，心情難以用語言形容。
「冰岐麟」是薛家首個大孫，中文名要得長輩同意，跟薛家族譜決定，目前仍未有定案。目前Marie已出院回家坐月：「老公𠵱家仲緊張，沒收咗我嘅手提電話，又唔畀我睇電視，要我好好休息，所以朋友嘅祝福未必第一時間回覆，希望大家體諒。」而屬薛嘉麟公司旗下的HotCha成員Winkie昨日在中環綵排，她說：「恭喜晒，有時間會去探佢哋。」


來源:蘋果日報網站