歌神《明我以德》贈母校

【明報專訊】港大百年校慶活動一浪接一浪，重頭戲係星期日（18日）會喺灣仔會展筵開360多席，到時會有成4500名嘉賓出席。有港大好友同Emily講，今次一早請咗特首曾蔭權，特首候選人唐英年、梁振英等出席，為免今次再好似「8．18」咁出現保安問題，特登搵人做「保安協調員」，負責協調會展保安、駐守場外�H警察同埋示威者咁話。

另外，Emily聽聞港大當日仲預備咗兩份特別禮物畀大家。一份係港大將由前港督金文泰填詞�H拉丁文校歌重新編曲，聽聞首歌喺1930年代已經停用，今次係特登拎番出嚟重現人間，仲由名導校友羅啟銳、張婉婷拍成音樂短片。

另外，港大仲邀請到校友歌神許冠傑出山，用港大校訓「明德格物」作咗首新歌《明我以德》，由另外兩名校友林夕填詞、周博賢編曲，由謝安琪、許廷鏗兩名校友，同一班港大同學仔演繹作品。