祖兒玩William愈唱愈長

祖兒玩William愈唱愈長

2010-03-06
[align=center][img=287,430]http://simg.sina.com.hk/cp/0/0047/9731/2/p.jpg[/img][/align][align=center]祖兒擇偶條件十分寬鬆，只要「有呼吸、是人類」就可以。[/align][align=center][img=287,430]http://simg.sina.com.hk/cp/0/0047/9732/2/p.jpg[/img][/align][align=center]陳偉霆被師姐祖兒玩到一臉尷尬。[/align]【東方日報專訊】樂壇天后容祖兒前晚為音樂會綵排，同門師弟妹齊齊現身為她打氣，不過向來鬼馬的祖兒，竟大講有味笑話整蠱同場的陳偉霆（William），說他最鍾意唱「愈唱愈長」，令對方尷尬不已！
祖兒前晚為三月七日（明日）舉行的《容祖兒我的女皇音樂會》作綵排，陳偉霆、鍾舒漫、洪卓立及洪杰亦現身為師姐打氣，眾人齊齊綵排《越唱越強》時，祖兒竟大講有味笑話：「大家好，呢首歌叫『愈唱愈長』，William最鍾意唱。」引來哄堂大笑，而身旁的William即尷尬謂：「係呀，我希望頭髮愈唱愈長呀！」
祖兒透露洪杰將會獻唱她的《煙霞》，笑指對方不是喜歡唱歌就是喜歡她，問祖兒是否接受姊弟戀？她笑謂不接受，但又說只要有呼吸、是人類就可以。
「唔好逼我徵婚」對於有歌迷致電公司徵婚，記者提議她舉辦徵婚會，祖兒反問說：「其實係咪你哋好想徵婚？我見到好嘅，介紹你哋呀，唔好再逼我徵婚啦！（為你着急。）我知你哋錫我，可能表叔行緊船返嚟。（得一個會唔會好心酸？）意料之內啦，I'm Fine。」
問祖兒容媽媽有沒有為她安排相睇？祖兒竟鬼馬地說：「我驚佢哋鍾意咗我阿媽呀，佢又溫柔又體貼又似女人，我似男人。（母女一齊搞徵婚會啦！）啋，搞到我哋好似籮底橙咁，我係貴精不貴多呀！」祖兒大讚近日網上熱爆的「犀利哥」不羈、打扮前衞，問假如對方致電徵婚，她謂：「佢使乜攞籌呀？」
鍾舒漫大跳勁舞鍾舒漫大讚祖兒有魅力，不需要她介紹男仔：「佢掉轉頭介紹番畀我就真！」鍾舒漫及William將在演唱會上與祖兒大跳勁舞，她更會彈鋼琴與祖兒合唱大熱歌《給自己的信》。
文：音樂組



http://www2.news.sina.com.hk/cgi-bin/nw/show.cgi/15/1/1/1448178/1.html