吳佩孚：分錢係道義

李丞責和胞弟李星瑭交惡一事，原來早在堪輿界流傳，另一堪輿師吳佩孚昨日表示早有所聞，他指去年年三十晚的倒數活動，才與李星瑭有過一面之緣，但當時李星瑭當着同場藝人數臭胞兄。
吳佩孚昨日在電話中說：「我同李星瑭只係萍水相逢，當時佢走埋嚟自我介紹，仲同我力數李丞責對佢打壓，佢一輪嘴係咁鬧，李星瑭話無綫曾搵佢做節目，但李丞責就從中畀壓力無綫，搞到細佬冇得做，最初我以為佢哋係同父異母，但點知李星瑭話係親生兄弟，真係咁就幾古怪。」

「一家唔知一家事」
李氏兄弟原來早有牙齒印，吳佩孚說：「一家唔知一家事，但個細佬有晒證據企出嚟講，作為阿哥嘅又真係百詞莫辯，我諗佢哋真係要坐低好好傾個問題點解決。」
對於李星瑭指控李丞責買 3T中獎，彩金分配不勻，吳佩孚說：「其實我唔清楚佢哋點夾，但如果一齊夾錢就一定要分畀人，呢個係道義問題。」
至於曾與李丞責傳不咬弦的麥玲玲，她為免捲入別人家事，昨日罕有封嘴避談事件。