林雪唱歌又攬又摸 o靚模

林雪唱歌又攬又摸 o靚模
2010年01月16日

  

林雪最近與阮民安（ Tommy）合唱歌曲《 men's talk》，二人昨日到商台接受訪問，談到怎會找林雪唱歌， Tommy說：「我聽過任賢齊話要搵佢做紅館個唱嘉賓，要佢唱《心太軟》，我見連小齊都搵，應該冇問題啩，後嚟再見到小齊，佢話乜你真係搵 o架？咁我先知瀨嘢。」
半年逐句錄音

林雪透露自己逐句錄音，花了近半年才完成， Tommy說：「所以製作費好貴囉。」唱現場怕不怕走音？林雪表示：「俾人話好過冇人話呀，唔使太完美嘅，我怕乜？」 Tommy表示林雪要求拍 MV，故找了十多位美麗 o靚模與他合作當作答謝， Tommy說：「俾佢又攬又摸又跪咁，迎合佢嘅需要啦。」問林雪除了其年代的李麗珍外，有沒有喜愛的 o靚模，林雪表示：「珍妹都好，我之前同周秀娜合作，原來佢好高。」問到很高還是很大，林雪笑說：「係好高大。」
採訪、攝影：溫敏芝