2009-11-21 12:58
lacy
台慶開大獎 翠翠失財群星喝采 味之天使變百萬富翁
[url=http://hk.apple.nextmedia.com/template/apple/art_main.php?iss_id=20091121&sec_id=462&art_id=13442672]http://hk.apple.nextmedia.com/template/apple/art_main.php?iss_id=20091121&sec_id=462&art_id=13442672[/url]
無綫為慶祝 42周年台慶，前晚特於《萬千星輝賀台慶》中送出過百萬獎金獎品，結果「味之天使」的啤梨張韋怡抽中頭獎，一夜間由月薪 8,000元的藝員成為「百萬富翁」，而去年抽中 3獎獲 2萬 5千元現金的佘詩曼，今年再中 2獎，獲 20萬元獎金獎品，可謂行運行到腳趾尾。相反，一直星運平平的黃澤鋒，前晚本抽中 4.2萬元現金，可惜因為心急早走而白白將這筆現金拱手相讓他人，不少觀眾大叫不值。不過，同樣因為抽獎時 no show而錯失 4.2萬元現金的葉翠翠，被司儀宣佈取消得獎資格時竟全場掌聲雷動，翠翠人緣有多好，大家心照不宣。
採訪：何慧斯、卓寶花、王崇穎 攝影：林德雄、陳順禎、黃文成
張韋怡全數孝敬阿媽
於無綫台慶中一夜間成為百萬富翁的「味之天使」啤梨張韋怡（ GoGo），現年 25歲， 07年與張嘉兒同屆參選港姐，並被冠以「發福小沢圓」稱號。雖然啤梨最後未能入圍，但仍獲簽約成為無綫藝人，更憑《味分高下》中味之天使啤梨身份殺入娛樂圈，做些行行企企角色，如近日熱播的《宮心計》，她便飾演宮婢，甚至有份在邵氏電影《 72家租客》中客串演出。不過，若數最為人注目舉動，還是 07年她在李珊珊生日派對上飲醉酒被抬上車時不慎露 bra。
月薪僅 8000元
記者昨日致電恭賀啤梨，她喜孜孜地說：「冇諗過自己會被抽中，好開心。好多同事朋友都有叫我請食飯，但個個都請嘅話，我咪分分鐘變成倒貼？所以我諗住攞獎品裏邊啲餐券嚟請同事朋友食飯。」問百萬獎金獎品內容時，啤梨說：「有 20萬獎金， 80萬獎品，當中有一條 50萬嘅寶石頸鏈，仲有電器、健康食品、高麗參、護膚品、衫同鞋嘅禮券以及餐券。除咗護膚品自己要之外，其他獎金獎品都會交晒畀媽咪處理。」據知啤梨月薪約 8,000元，今次獲 20萬元現金獎已相當於她兩年人工。
前晚佘詩曼抽中 2獎，獲 20萬獎金獎品，包括 6萬 2千元現金。連續兩年中獎的阿佘前晚笑道：「希望出年攞大獎， 11月 19日係我媽咪生日，我會將一半獎金畀媽咪做生日禮物。」至於另一無綫藝員許文翹則抽中 3獎，有合共 10萬元的獎金獎品。
無綫前晚慶祝 42歲生日向員工派錢，節目中抽出 3位幸運兒，各獲得 4.2萬元大利是。資深演員周驄先拔頭籌抽中，其後分別抽中黃澤鋒和葉翠翠，二人卻由得變失，明明被抽中卻因為連叫 3次名也未能出場領獎，因而錯失奪獎機會，讓港男高鈞賢和明珠台主持陳智燊冷手執個熱煎堆。
一時大意錯失機會鄭裕玲（嘟嘟）抽最後一封大利是得主是葉翠翠，可是她未有現身領獎，嘟嘟依規矩大叫 3聲便決定再抽過，全台藝員拍掌歡呼，司儀之一的崔建邦更贈興：「從來未試過叫自己個名，咁多人鼓掌。」擺明寸爆葉翠翠，她近日被爆遭趙薇橫刀奪愛，前晚又失獎，可謂人財兩失。
葉翠翠昨日在電話解釋：「我當時冇離開，只係行咗去儲物櫃拎嘢，因為自己一時大意就錯過拎大利是嘅機會。𠵱家諗番都有少少肉痛，始終噚晚係台慶，其實邊個同事抽中都戥佢開心。」
黃澤鋒否認因如廁失大利是，他昨日心情輕鬆在電話中說：「我噚晚近 10點時早走咗，其他同事仲問我點解唔等埋抽大利是，我臨走仲同佢哋講邊有咁啱，點知一語成讖。」他指自己是虔誠佛教徒，如果抽中也會把獎金悉數捐作慈善用途，黃澤鋒又說：「抽中已經贏咗幸運，我真係冇所謂，反而知道好多朋友戥我唔抵打電話慰問，呢次失利是反而畀觀眾記得我，我失錢贏友誼，遲啲咪勤力工作，賺番正財囉。」黃澤鋒昨日更致電葉翠翠互相慰問。