岑潔儀斬纜數臭陶喆

岑潔儀斬纜數臭陶喆                                                                                                      本文重點
                      [list][*][url=http://orientaldaily.on.cc/cnt/entertainment/20091117/00282_001.html#para3]三大冧女招數[/url][*][url=http://orientaldaily.on.cc/cnt/entertainment/20091117/00282_001.html#para6]唔做緋聞女友[/url][/list]                    

                    
                  
                                        外貌酷似廖碧兒的岑潔儀（Zoey），因被拍得與陶喆街頭甜蜜一啜火速上位。直認與陶喆是「好友關係」的Zoey，坦言知道對方緋聞多多後，十分失望，故要跟這位「蜜友」劃清界線，除力數陶喆大男人、自我中心外，更大爆對方的三大冧女招數，包括「逢人叫Baby」、「大夫上身替人醫治奇難雜症」以及「扮侍應貼身服侍」！
                                                                                        岑潔儀（Zoey）雖然在娛樂圈打滾了五年，但一直發展平平，直到日前被拍得與陶喆街頭又啜又拖方才成功上位。雖然得陶喆帶挈「升呢」，不過Zoey卻直指當初認識陶喆時，根本對他毫無印象：「我一年前喺一個朋友聚會度識佢，當時對佢完全冇感覺，亦一直冇留意佢嘅新聞。（覺得佢唔起眼？）只係冇乜留意啫，我當時知佢係superstar，但冇話特別走埋去討好佢。」
                                                                                                                        [url=http://orientaldaily.on.cc/cnt/entertainment/20091117/photo/1117-00282-001b2.jpg][img]http://orientaldaily.on.cc/cnt/entertainment/20091117/photo/1117-00282-001p2g3.jpg[/img][list][*]陶喆多才多藝，去到邊都成為女性的焦點。        （資料圖片）[/list][/url]                                                                                 
                              三大冧女招數                Zoey對於與陶喆的關係，只隱晦表示二人是「好朋友」，經記者再三追問，她大賣關子甜笑謂：「佢一直好照顧我，當我妹妹咁咯。（佢有冇追求你？）唔知呢！（有冇懷疑過佢追求你？）……唔覺呀，不如你問吓佢。」雖然Zoey直認這一年獲陶喆不少照顧，不過自與對方啜嘴的報道出街後，即對其印象大打折扣：「本來我畀佢80分，依家得70分，因為我睇咗啲報道之後，先知佢原來咁多緋聞！」問到知否對方有沒有女朋友時，Zoey更木無表情謂：「唔知！」
                                                                                                                                                              向來敢言的Zoey，直指陶喆冧女招數層出不窮，每次出席友人聚會定必是女性們的焦點，堪稱「溝女王」，Zoey更大爆陶喆的三大冧女絕招，其中「Baby」冧招更是萬試萬靈：「因為佢鬼仔性格，好容易就會同人Baby前Baby後，咁樣好容易惹人誤會。」
                                                                                                                    Zoey又指陶喆與女性交談時總會「挨得好近」，亦經常出言慰問，感覺上就像能醫百病的「大夫」一樣，所以甚受女士歡迎：「佢對個個女仔都好好，份人又果斷，所以啲女仔好容易就會視佢為崇拜對象。而且佢好gentleman，出親嚟食飯都會幫啲女仔拉櫈同幫佢哋鋪餐巾。（嘩！咁咪同侍應無分別？）咁佢又唔係對個個女仔都會咁做嘅。」問到是否只對她一個如此時，Zoey卻又回復得戚冧樣回應：「唔知呢！」
                          [table]                [tr]                  [td]                                                                                                              [url=http://orientaldaily.on.cc/cnt/entertainment/20091117/photo/1117-00282-001b3.jpg][img]http://orientaldaily.on.cc/cnt/entertainment/20091117/photo/1117-00282-001p3g5.jpg[/img][list][*]Zoey直認這一年來獲陶喆不少照顧。[/list][/url]                                                                     
              [/td]                                                                        [td]                                                                                                              [url=http://orientaldaily.on.cc/cnt/entertainment/20091117/photo/1117-00282-001b4.jpg][img]http://orientaldaily.on.cc/cnt/entertainment/20091117/photo/1117-00282-001p4g5.jpg[/img][list][*]你唱我！信唔信我兩隻手指捽死你？（資料圖片／設計對白）[/list][/url]                                                                     
              [/td]                                                                                      [/tr]                [/table]                                                                                                                                                    唔做緋聞女友                雖然口口聲聲否認緋聞，但Zoey言談間總是不經意流露與陶喆的親密關係，更揚言自己十分了解對方，問到覺得男方有甚麼缺點時，Zoey即不客氣表示：「有㗎！首先因為佢喺音樂事業上有咁嘅成就，所以份人都幾自我中心，我本身就唔太鍾意過分自信嘅人。第二佢好貪玩，太鍾意飲酒，全世界都知啦，佢比曹格飲得仲犀利！而且佢太鍾意幫身邊啲人安排嘢，好大男人咁，呢樣我都唔係咁喜歡。」Zoey更表示要與陶喆劃清界線：「我唔希望成日同佢扯上關係，我希望啲人形容我做Rosemary師妹或者叫番我做Zoey，唔好再以陶喆緋聞女友形容我，我唔想畀人感覺靠緋聞博上位。」
                                                                                                                                                                    服裝：Arrogant Cat
                                                                                                                                                                    髮型：jackyau@justhair
                                                                                                                                                                    化妝：Hidy@Dreamworld Production
                                                                                                                                                                    場地：Eutopos
                                                                                                                                                                    文：影視組　攝：沈健程
[url=http://orientaldaily.on.cc/cnt/entertainment/20091117/photo/1117-00282-001b1.jpg][img]http://orientaldaily.on.cc/cnt/entertainment/20091117/photo/1117-00282-001p1g1.jpg[/img][list][*]Zoey踢爆陶喆有三招[img]http://orientaldaily.on.cc/font/fa63_5nbk.gif[/img]女必殺技。[/list][/url]




東方日報
http://orientaldaily.on.cc/cnt/entertainment/20091117/00282_001.html