Fans送祝福利是未解愁 華仔現身北京無話可說

[url=http://hk.apple.nextmedia.com/template/apple/art_main.php?iss_id=20090831&]http://hk.apple.nextmedia.com/te ... iss_id=20090831&[/url];sec_id=462&subsec_id=463&art_id=13155813

【一夜賭城戀大咗之自作自受】
劉德華被揭和朱麗倩於去年結婚，一直自稱單身的他被外界力斥講大話，前日華仔在網上留言道歉解畫，甚至表明和女友結婚是因為計劃以人工授孕生 BB，不過補鑊行動未能平息大話風波，越描越黑。昨日他飛抵北京，現場有fans向他送上利是及祝福，但心事重重的華仔只牽強而笑，全程默然無語。
本報前日揭發劉德華和相戀 24年的女友朱麗倩於去年在賭城拉斯維加斯秘密註冊結婚，即被外界指摘他自稱未婚講大話欺騙fans，正直形象即時插水，當事人華仔前日整天在杭州拍MV，現場禁止記者埋身追訪，鏡頭外華仔不時愁眉深鎖，心事重重。前晚華仔原擬由杭州飛往北京出席華表獎頒獎禮，不過因為結婚一事風頭火勢，結果他臨時甩底未有現身。
向歌迷揮手微笑華仔完成杭州拍攝部份後，昨日飛往北京繼續拍攝，當地傳媒收到消息指華仔於下午 3點左右乘機到達，一早已有大批 fans聚集機場，部份fans向記者表示得知華仔結婚很開心，還紛紛準備利是給他。華仔在 4點多步出機場， fans自律地戴上口罩，華仔見fans即揮手微笑，當他接收利是時也有道謝，現場見華仔大約收到20多封利是，但對於記者追問結婚問題，他封嘴未有回應。華仔公司人員表示前一晚他根本未有計劃出席頒獎禮。
華仔前日網上留言引起外界以為朱麗倩現懷有身孕，結果他昨日凌晨12點半，再度留言說：「別誤會！小孩的事情仍在努力中。」以澄清外界疑團。其舊愛喻可欣昨日接受台灣傳媒訪問時稱對朱麗倩懷孕傳聞沒感覺，又表示當年和華仔拍拖時他曾說要生很多小孩，但她未有想過以懷孕來綁着華仔，她說：「當時他沒有叫我那麼快生，而且我們婚都沒結，怎麼生小孩？」                                                                                                                                                             [img]http://hk.apple.nextmedia.com/images/apple-photos/apple/20090831/small/31ec2p2n.jpg[/img]                                                        
                          昨日華仔（箭嘴示）出現時引來大批傳媒及 fans包圍，他身邊則有兩位大隻猛男保鑣貼身保護。

                                                                                                                                                                                                             [img]http://hk.apple.nextmedia.com/images/apple-photos/apple/20090831/small/31ec2p3.jpg[/img]                                                        
                                劉德華日前和朱麗倩十指緊扣回港，之後再被揭發兩人已秘密註冊結婚。
                                                                                                                                                            [img]http://hk.apple.nextmedia.com/images/apple-photos/apple/20090831/small/31ec2p4.jpg[/img]                                                        
     
                                                                        
  另外，華仔好友譚詠麟（阿倫）昨日到尖沙嘴出席港台活動，對於華仔被稱為大話天王，他力撐對方說：「每人處理方法都唔同，對大眾其實冇乜影響，只係滿足大家八卦。大家唔好怪佢，佢都係怕有過激 fans啫，如果佢上山送外父，分分鐘連棺木都爛埋，佢都係想先人安息咁走。」至於華仔表示想以人工授孕生BB，阿倫會否過幾招給他？他說：「我 open o架，隨時等佢電話，高齡有高齡方法，有好多做法。」
採訪：葉雪、黎寶蘋、馬建華
攝影：陳慧安
                                                                                                                                                                                                                                           [img]http://hk.apple.nextmedia.com/images/apple-photos/apple/20090831/small/31ec2p10n.jpg[/img]                                                        
                                                         
                                                                        
   因為一張結婚註冊文件，逼得劉德華承認與朱麗倩的夫妻關係，其實華仔身後還有一個隱形人──女兒雲楓（ Emma）。 11年來即使多次被拍到與朱麗倩出雙入對，與華仔雙親用膳，但華仔仍堅持不認女，令人費解。

01年 4月
朱麗倩偕年約 4歲女孩及友人，乘坐華仔的保母車到戲院看戲，同月又被傳媒拍得劉父接該女孩放學。同年 12月朱麗倩與小女孩到大馬雲頂欣賞華仔個唱。

02年
華仔放盤出售加多利山大屋，屋內擺滿同一名小女孩的日用品及相片。

02年底
朱麗倩帶一名 5歲女孩，現身銅鑼灣一間名牌童裝時裝店購物。

今年 2月
華仔被拍得現身大馬與朱麗倩家人茶敍，更發現連日來均有一小女孩跟在朱麗倩左右，其鷹鼻激似華仔。

今年 8月（圖）
朱麗倩父親朱建城的喪禮上，有一貌似朱麗倩的小女孩出現。之後同一名小女孩現身香港，並與劉德華雙親出外晚膳。

資料來源：《蘋果》資料室
                                                                                                                                一網講盡：為生育娶妻難挽民心8月可謂劉華月，翻開報章雜誌都在講他，前日華仔破天荒為謊言致歉，又承認已婚及計劃人工授孕，惜網民反應仍是「反華」居多，看來華仔要諗諗計拆彈。

-反華派-
diy05：如果講就一早講，唔講就唔講到底，華仔真係搞得好亂！

bg1882：既然結咗婚，老婆死老竇佢唔用一個孝子形式出現，有冇搞錯？

joeluk123：佢知道自己表面上係巨星，其實真係冇咩勁，靠嘅係 fans嘅幻想去生存，佢講到自己大仁大義，但係一啲最基本嘅做人道義都冇，呃人嘅！

DEVIL815：佢講到根本就唔想結婚咁，好似逼於無奈。

KAKAKA001：朱小姐真係慘，我諗如果佢唔係為咗有 BB應該都唔想同佢結婚。

weewoo： 20幾年唔娶人，為咗生 BB先娶人，呢種人有乜嘢資格稱做「好男人」？

-挺華派-
kamyim97：班人一廂情願話朱小姐好慘，我想知有幾慘呀，佢唔公開唔代表佢對朱小姐冇承諾囉。

小寶蛋：其實從去年起佢口風已好鬆，一直為結婚生仔鋪路，為了不想傳媒追住劉太，佢其實想遲些先公佈，無奈外父突然去世，先令佢不知所措！

Cookiess：如果唔係你哋啲癡心粉絲華仔會搞成咁？偷偷摸摸咁多年，你以為好爽啊，一個楊麗娟咪有辦你睇囉。

hato：佢處理得好麻麻，一係太收埋，一係太坦白。佢自己太辛苦！希望佢同太太放開啲、開心啲啦。

資料來源：香港討論區
相士話：命中有子女　隱妻利婚姻生於 1961年 9月27日的劉德華生肖屬牛，其命格屬水，到底以華仔命格，命中是否注定有子女呢？據堪輿學家區仲德所言，華仔命中有子女星，命格有一子兩女，他說：「不過華仔嘅子女星係隱藏喺命格之內，即係代表要收埋，唔易公開，就連佢感情路上都係偏妻星，即代表佢會將太太收埋同埋遲婚，如果佢承認就會對妻子不利，反而收埋太太就可以令兩人長久。」
子女運佳至於另一堪輿學家麥玲玲也表示華仔的命格中最大機會有子女就在 1997至 1999年間，特別是 1998年華仔當時是行大運，最有機會有小朋友，之後就要等到 2012年才有子女運，麥玲玲透露華仔眼肚、人中和下巴位都十分好，所以子女運也甚佳。 [img]http://hk.apple.nextmedia.com/template/apple/images/art_end.gif[/img]

[[i] 本帖最後由 lagee 於 2009-8-31 15:01 編輯 [/i]]