Yumi 形象插水　A.Lin搶飯碗

Yumi 形象插水　A.Lin搶飯碗                                                                                                      本文重點
                      [list][*][url=http://orientaldaily.on.cc/cnt/entertainment/20090825/00282_001.html#para4]經理人撐多工作[/url][*][url=http://orientaldaily.on.cc/cnt/entertainment/20090825/00282_001.html#para6]遊戲網率先踢爆[/url][/list]                    

                    
                  
                                        在書展、動漫節期間成功從一眾o靚模突圍而出的尹蓁晞（Yumi），因被拍到拖仔到酒店過夜兼與趙碩之針鋒相對，形象急劇插水。屋漏兼逢連夜雨的Yumi，除現遭經理人公司雪藏外，就連代言飯碗亦因形象問題遭八模兵團的A.Lin搶去，Yumi的事業前景着實岌岌可危！
                                                                                                                                                                                                [url=http://orientaldaily.on.cc/cnt/entertainment/20090825/photo/0825-00282-001b2.jpg][img]http://orientaldaily.on.cc/cnt/entertainment/20090825/photo/0825-00282-001p2g2.jpg[/img][list][*]A.Lin大賣健康性感，更幾乎零負面新聞，難怪成為廣告商新寵。[/list][/url]                                                                                 
                                              在書展因噴血寫真大賣而人氣急升的尹蓁晞（Yumi），早前被踢爆與髮型師男友到酒店過夜兼引來援交疑雲後，形象急劇插水；加上Yumi不忿同門師姐趙碩之落井下石而含淚反擊，在種種負面新聞纏擾下，Yumi的經理人公司決定將Yumi掟入雪櫃，務求讓她深切反省兼暫避風頭。
                                                                                                                                                              不過，據知原由Yumi擔任代言的線上遊戲《反斗西遊》，雖於動漫節時已舉行記招宣布Yumi為代言人，但因Yumi形象告急，故最後改由八模兵團的A.Lin頂上。
                                                                                                                                                    經理人撐多工作                對此，Yumi經理人Angus直認與遊戲公司已結束合作關係，但強調雙方一直合作愉快：「其實Yumi之前嗰篇報道（酒店過夜）出街之後，我哋同遊戲公司一直都有通電話，因為大家都明白依家係非常時期，所以達成共識，暫時停止呢次嘅合作關係。（原本簽咗幾耐？）都係一年，雖然只係合作咗好短時間，但佢哋冇叫我哋賠錢；而且我哋唔排除之後會再合作，因為Yumi都係幫呢間公司做game girl出身嘅。」
                                                                                                                                                                    Angus更大方地指A.Lin會是新代言人的上佳人選：「搵佢做幾好呀，佢咁靚女！」Angus又澄清Yumi[url=http://classified.on.cc/index.html?cid=-3]工作[/url]其實未受影響：「一直都有好多人搵Yumi做嘢，只係因為佢依家要反思，所以大家先覺得佢好似受影響啫。（佢有冇其他[url=http://classified.on.cc/index.html?cid=-3]工作[/url]要抽起？）絕對無。」
                                                                                                                                                    遊戲網率先踢爆                線上遊戲公司Gamania的發言人則對更換代言人一事不多作回應：「因為合約代言人嘅形象一定要健康，總之稍後會公布詳情。」而被傳搶Yumi飯碗的A.Lin，亦對事件不欲多談，但卻暗寸「有人」形象不健康：「無論係咪代言人，做藝人都要對自己嘅言行負責。」雖然Gamania與A.Lin大賣關子，不過Gamania網站近日已公布A.Lin為新代言人，Yumi被搶飯碗似乎已成事實。
                                                                                                                                                                    文：專案組
[url=http://orientaldaily.on.cc/cnt/entertainment/20090825/photo/0825-00282-001b1.jpg][img]http://orientaldaily.on.cc/cnt/entertainment/20090825/photo/0825-00282-001p1g1.jpg[/img][list][*]Yumi因連串負面新聞令形象急劇插水，現時連代言飯碗亦被搶去，前途令人憂慮。        （資料圖片）[/list][/url]







東方日報
http://orientaldaily.on.cc/cnt/entertainment/20090825/00282_001.html